TACLOBAN CITY – Nagmartsa tikang ha UP Tacloban tikadto ha Department of Environment and Natural Resources Regional Office an mga residente ha Manicani Island, Guiuan Eastern Samar dara-dara an mga karatula kun diin nakasurat an ira mga araba.
200 ka tawo an nagtitirok kontra han Mining operation ha ira isla.
Naghatag liwat hira hin surat ha DENR para diri na tugutan an Hinatuan Mining Corporation o HMC nga makapag renew hin kontrata.
Nakipag-atubang naman an tinaglawas han DENR ngan Mines and Geosciences Bureau ha mga nagprotesta.
Ha dayalogo, sumala kan Rebecca Destojo, Presidente han Protect Mining Island Society, ginruruba na ngani an ira isla ginruruba liwat hini nga Mining Corporation an relasyon han ira pamilya mahitungod nga iba-iba an ira gintutuuhan.
“Ang pinakasakit sa lahat na nangyari sa manicani ay ang pagkawatak-watak ng pamilya namin at komunidad , sira na ang isla namin, nasira pa ang mga relasyonis namin.”
“Ang mining hindi naman sustainable yan, ang sustainable yung trabaho namin, magsaka at mangisda.”
Ha pagkita mo ha ira mga nawong baga hin nagmamakaluoy nga diri tugutan ini nga korporasyon nga makapag-mina na liwat ha ira isla.
Sumala naman kan Salvador Anagap, namamangulo han Mines Safety Environment and Social Development Division ha MGB, nagpapabilin ha ira buhatan an application han Minerals Production Sharing Agreement o kun MPSA han HMC.
“Ang renewal application ng HMC ay pending pa sa aming office, waiting for the compliance of some requirements.”
Samtang, mahihinumduman nga gin aprobahan han Provincial Board han Eastern Samar an renewal han MPSA han HMC ha ira probinsya.
Sumala naman han DENR Regional Office, an ira mismo Central Office an may pinal nga desisyon hini.
