CATARMAN, Northern Samar – Ginkalasan an mga residente ha Brgy. Ipil-Ipil Catarman, Northern Samar han tigda nga paglarab han kalayo ha usa nga panimalay ngan nagkalat ini ha kahigrani nga balay kasangkulop alas 7:15 han aga.
Nasunog an panimalay nira Ricardo Vivar, Josephine Vivar, Ligaya Adora, Sarah Caparic ngan Teresito Patilan.
Basi han nagawas nga inisyal nga imbistigasyon han Bureau of Fire Protection (BFP) Catarman, may usa nga bata an nagmulay hin kalayo nga butang ngan nasunog an panimalay ni tatay Ricardo nga hinimo ha light materials ngan tigda nala lumarab an kalayo ha kahigrani nga mga balay.
2 million pesos an danyos han ngatanan nga ginkaon han sunog.
Facebook Comments
