Mga residente ha usa nga bungto ha E. Samar nangangaro hin bulig, pagkaon kinahanglan

462

TACLOBAN CITY – Nangangaro hin bulig an mga opisyales han Eastern Samar ha National Government ngan ha may bulawanon nga kasing-kasing tungod nga ngada yana in nagbabaraha la gihapon ha bungto han Jipapad.

Landslide ngan pagbabaha an grabe nga nakaapekto ha komunidad.

Sumala kan Eastern Samar Board Member Member Joji Montallana, waray pagkaon, malimpyo nga maiinom nga tubig ngan waray signal ha nasabi nga lugar.

Kadam-an nga mga residente in nangangaro hin pagkaon matapos an pito kametro nga tubig-baha.

An mga food supplies pati na an nakapreposition nga relief goods han Provincial Government in waray na kahigamiti tungod nga mahulos na ngan puno na hin lapok.

Dugang ha pamahayag ni Montallana, duha nga landslides ngan pagbaha an nakaulang ha mga kakalsadahan tinikangan pa dida han myerkules, amu nga isolated yana an bungto.

Sumala han Municipal Disaster Risk Reduction and Management Council, 2,557 nga residente tikang ha upat nga barangay an sobra nga naapektuhan han umagi nga bagyong Samuel.

An nasabi nga bungto in waray evacuation center,nag-evacuate an mga residente ha simbahan, municipal hall ngan ha mga concrete nga panimalay.

Facebook Comments

From Advertisers