Emosyonal ang mga residente sa ground zero sa Marawi City dihang nakit-an ang ilang mga gubang balay sa ilang pagbisita sugod niadtong Dominggo.
Sa Barangay Daguduban, tulo ka mga baso lamang ang napunit nila ni Amira Mondas Omungan ug sa iyang bana, apan iyaha pa gihapon kining gihipos tungod kay regalo nila kini sa ilang kasal, pipila ka adlaw sa wala pa ang giyera sa Marawi.
Ang uban pa’ng mga gamit sa kusina sama sa mga kaldero, mga plato, stove uguban pa, dili na nila magamit tungod kay nangaguba na.
Apan iyaha gihapon kining gihakot tungod kay matud pa niOmungan, ibaligya nalang nila sa junkshop aron aduna silay ibayad sa ilang gi-abangan nga sakyanan.
Sa tulo, matud pa, ka adlaw nga gihatag kanila’ng higayon nga makabisita sa ilang panimalay, posibleng sa unang adlaw lang nila kini makit-an, tungod kay wala silay pambayad og sakyanan.
Igo nalang siya sa pagpanghinaut nga dunay libreng sakyanan nga ipagamit ang kagamhanang lokal sa Marawi ngadto kanila sama sagibuhat niini niadtong Kambalingan.
