Roxas City, Capiz – Hugot nga ginapamatukan sang mga residente sang Barangay Tanque, Roxas City ang pagpatindog sang cell site sa ila lugar.
Sa sulat nga nabaton ni Mayor Ronnie Dadivas sang Pebrero 28, diri ginpatpat sang mga tagreklamo ang ila sentimento.
Kon mahibaluan nga Pebrero 26 naguha ang notice of violation nga nagasiling nga ginabayolar sang tag-iya sang cell site ang National Building Code matapos nga wala ini sang building permit.
Samtang ginkakibot na lamang sang mga residente nga may yara na sang isa ka resolusyon nga nagapasugot para sa pag-construct sang cell site sa ila lugar sa Brgy Tanque.
Ginpahayag sang isa sa mga residente nga blangko sila nga may yara sang ginpatigayon nga public hearing sa ila barangay. Sang bulan sang Enero, nag-umpisa ang pagkutkot.
Sa ila nga pagkahibalo, ini lamang ang bulotangan sang generator set apang nadiskubrehan sang ulihi nga ini gali ang para sa cell site.
Kahapon nga adlaw, ginpa-untat na ang kontruksyon sa lugar kag gintambakan ang buho nga ila ginkutkot
