Davao City – Wala pa nakadawat og pasiunang tabang pinansyal sa gobyerno, ang mga residente sa Daliao, Toril, Davao City, human naapektohan sa dagkong balud nga miresulta pagkaguba sa ilang balay, mga cottage niadtong Martes alas 2:00 sa kaadlawon August 29, 2023.
Sa interview sa DXDC RMN Davao kang Rosalinda Rellon, senior citizen, gibutyag niini nga wala pa silay nadawat nga tabang gikan sa ilang Barangay, human naguba iyang balay sa dihang gihapak sa mga dagkong balud.
Nanawagan si Rellon, sa mga adunay malumong kasing-kasing og tabang tungod naglisud siya karon kay wala nay kapuy-an.
“Kinsa tong naminaw karon naa mi sa among gipuy-an kay nadaut ang among balay kinsa tong matabang kaloy-i tawon mi wala mi panginabuhian nga lain mga tigulang na tawon mi”,sulti ni Rellon.
Kahinumduman, dul-an napulo ka pamilya ug panimalay, napulo ka mga cottage, ang naguba tungod sa paghampak sa dagkong mga balud.
RadyoMaN Don Pulayao
Facebook Comments
