Mopasaka og kaso ang kapin gatus ka mga residente sa Sector 1 sulod sa most affect area sa Marawi City ngadto sa kontraktor ng Finmat International Resources, Inc.
Kini human ilang personal nga nakit-an niadtong Martes ang ilang mga balay ug mga gambalay nga gi-demolish sa Finmat bisan nga walay ilang pagtugot.
Gipasulod sa National Housing Authority niadtong Martes ang maong mga residente sa Barangay Daguduban ug Tolali human makakuha’g sumbong nga nahurot na og demolish ang ilang mga balay.
Matud pa ni Aslani Montila sa Siyap, Inc., gipangayo sa maong mga residente nga gubaon ang ilang mga istruktura nga naa sila’ng maglantaw.
Una nang gibarugan sa Finmat nga mga istraktura lamang nga adunay waiver o consent sa tag-iya ang ilang gi-demolish.
Ang demolasyon sa mga balay ug mga gambalay sulod sa ground zero maoy pagsugod sa pisikal nga rehabilitasyon sa Marawi City.
Ang NHA nag-isyu og order alang sa temporaryong pag-undang sa demolition hangtud nga makakuha ang Finmat og Environmental Compliance Certificate gikan sa Department of Environment and Natural Resources o DENR ug demolition order gikan sa buhatan sa mayor sa Marawi City.
Pa-imbestigahan usab sa NHA ang maong reklamo aron masuta kung adunay tulubagon ang Finmat. (Divina M. Suson)
| | Virus-free. www.avast.com |
