Sangko sa langit ang kalipay sa mga residente sa Purok Silangan ug Matinabangon sa Barangay Ubaldo Laya human kini natunolan ug hinabang pinaagi sa RMN DXIC.
Mga sapot sa mga bata, banig, underwears, ug sanina sa mga hamtong ang nadawat sa mga residente kinsa naapektuhan sa maong sunog.
Mitunol usab sa ilang tabang ang Robinsons Department Store alang sa mga apektadong residente.
Kahinumduman, nga kapin sa 600 ka mga indibidwal ang nawad-an ug pinuy-an human nga miulbo ang dakong sunog kagahapong adlawa.
Matud sa usa ka residente, nga dako na kini nga tabang alang kanila kinsa wala gyu’y nabitbit gumikan kay paspas nga mikatag ang kalayo.
Atol sa maong sunog, napatay ang usa ka babae human kini wala makagawas sa ilang balay gumikan usab sa gihambin nga balati-an.
Ang mga biktima sa sunog anaa karon sa Barangay gym kinsa padayon gihapon nga gi atiman sa mga personahe sa CSWD ingon man sa mga opisyal sa barangay
