Mga residente sang Alba Village, Barangay Dinginan, Roxas City, ginkumpirmar nga ginapaagi sa lata ang nagapanukot sang mga garbage collector!

20

Roxas City, Capiz- Ginkumpirmar sang isa ka residente sang Alba Village, Barangay Dinginan, Roxas City nga nagagamit ukon nagadala pa sang lata ang driver sang garbage truck sang syudad para sa bayad sa pagkolekta sang basura sa nasambitan nga lugar.

Suno sa isa ka ginang, matapos nga nakalab-ot sa RMN- Roxas, nagbalik ang garbage collector kag nagpamangkot kon sin-o ang nagreklamo nga sila ang nagapanukot.
Gindugang pa sang tagreklamo nga kun magsulod sa ila lugar ang garbage truck ini ang puno na gani may mga pamalay sa gihapon nga indi nila masulod gid kag maubos kolekta ang basura.
Samtang ginpanindugan ni Mr. Jeric Andama, head sang Waste Management Section sang city government nga ginabawal sa mga garbage collectors ang pagpanukot sa mga household sa basura nga ila makolekta.


Suno diri nga masami ginasulit– sulit sa ila meeting nga nalakip na sa ila trabaho bilang mga garbage collector ang pagkolekta sang basura nga wala sang bayad.

May kaangtanan sini nagpangako naman si Andama nga ipatawag ang ginareklamo sang mga taga-Barangay Dinginan nga garbage collectors kag foreman nga suno sa pila ka mga residente sang amo nga lugar ang nagapanukot sang kuwarta para sa koleksyon sang basura.

📷 Capiz Times

Facebook Comments