Mga residente sang Angelville Subdivision, nagpalab-ot sang reklamo matapos nga gin-utdan sang linya sang kuryente!

22

Roxas City, Capiz- Ginkumpirmar ni San Jose Punong Barangay Albert Calipayan nga ginabanta nagalab-ot sa 500 ka mga panimalay sa bahin sang Angelville Subdivision ang gin-utdan sang koneksyon sang kuryente sang CAPELCO. Ini matapos nadiskubrehan nga may yara sang nagakatabo nga illegal tapping sang koneksyon sa nasambitan nga mga housing units kun sa diin sa baylo nga kuntador, nagapatakod ang mga ini sang submeters.
Suno kay Calipayan, tuman ka apektado kag mabudlay para sa nasambitan nga mga residente ang kadulaan sang koneksyon sang kuryente ilabi na sa tiun sang gab-i kabangdanan nagpalab-ot ang mga ini sang reklamo sa iya.
Nahibaluan nga indi ang mga ini mapatakdan sang kuntador sang Capelco bangud nga wala pa sa ila ma-award ang unit sang housing.
📷- Capiz Times

Facebook Comments