ILOILO City – Ginmanduan sang Iloilo City Health Office ang mga restaurant owners kag staff nga regular nga tinluan ang ila mga kusina para masigurado nga matinlo ang mga pagkaon nga ginaserbe sa ila mga customers.
Suno kay City Health Officer Bernard Caspe, maluwas sa pagkuha sang sanitary permit kag health card para sa ila mga staff dapat mapabilin nga matinlo kag may standby nga pest control ang mga restaurants.
Ginpahayag ni Caspe nga dapat may nagakaigo nga protective equipment ang mga staff agud malikawan ang kontaminasyon sang mga pagkaon.
Regular nga nagaconduct sang inspection ang mga sanitary inspectors sang city health sa mga restaurant.
Ginpanugyanan ni Caspe ang mga restaurant nga ipatuman ang mga sanitary practices ilabi na nga ang Iloilo nagapanguna nga destinasyon para sa Meetings, Incentives, Conventions, and Exhibitions (MICE).
Angut sini ginpanugyanan ni Caspe ang publiko nga ireport sa ila talatapan ang mga insidente kun sa diin may mahigko nga pagkaon nga ginserbe sa ila.
Photo from web
