Sa interbyu sa DXDC RMN Davao kang City Director Police Col. Alberto Lupaz, gimanduan niini ang tanang Chief of Police nga magpatrolya ug imonitor ang mga bars ilawom sa ilang mga area of responsibility aron dili na masubli ang wala pagtuman sa Minimum Public Health Standard (MPHS) sa usa ka bar.
Gipatawag ang tanang bar owners kagahapong adlawa sa lokal nga gobyerno pinaagi sa virtual conference sa pagpanguna ni Lorna Mandin, ang head inspector uban ang PSSCC, DCPO ug Business Bureau.
Nagpahimangno si Lupaz sa tanang bar owners nga istriktong ipatuman ang health protocols aron dili kini mag-atubang og kaso.
“Gi-lift naman ang liquor ban sila mismo sa ilahang mga establisyemento ang mupatuman sa Minimum Public Health Standard, social distancing, face masks, silay una mag-implement ani kay dili mani dayon makita sa pulis. Unya sundon nila ang mga patakaran ug Executive Order nga gipagula sa atong halangdong mayor kay kung makita namo nga nag-violate sila file-an namo sila’g kaso,” sumala ni Lupaz.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
