Davao City – Mas pahugtan pa sa Department of Trade and Industry (DTI) Davao Region, ang monitoring karon sa unang batch sa mga rice retailers nga natunolan sa cash assistance, isip subsidy sa gobyerno sa mga namaligya og bugas nga apektado sa gi-imposar nga price ceiling, pinaagi sa EO #39-2023 nga gi-isyu ni Pangulong Bongbong Marcos Jr.
Matud ni DTI XI Regional Director Maria Belen Ambi, sugod kagahapong adlawa, mas ilang susihon ang mga benepisaryo sa P15K subsidy, kung padayon ba silang misunod sa price ceiling o wala na, human sila nakadawat sa ayuda.
Segun ni Ambi, kinahanglan mag-isyu og sertipiko ang rice retailer, isip pagpamatuod nga gisu-nod pa ba nila o wala na, ang barato nga pagbaligya sa bugas karon.
Gipasabot ni Director Ambi, ang paghatag sa P15k nga ayuda aron maseguro nga adunay mas- ubos nga presyo matag kilo sa bugas, aron adunay makapalit ug walay magutom nga mga Pilipino.
Mokabat sa 182 ka rice retailer sa entero rehiyon onse, ang nakapasar sa evaluation nga gihimo sa maong buhatan.
RadyoMaN Joel Viray
Facebook Comments
