Mga sabungero nga misulod sa New Matina Davao Gallera niadtong March 6 hangtud Petsa 13, giawhag nga mag quarantine human mag postibo sa COVID-19 ang usa ka taga Lanao del Norte nga gikan didto

33

Gipangita ug gi-awhag nga mag quarantine sulod sa 14 ka adlaw ang mga sabungero o mga bisita nga nanabong o misulod sa New Matina Davao Gallera, sa Matina, Davao del Sur, niadtong Marso 6 hangtud petsa 13.

Kini human mag-positibo sa COVID-19 ang usa ka taga-Tubod, Lanao del Norte nga gikan, matud pa, sa usa ka dakung derby didto.


Dili pa klaro kung unsa nga petsa kini misulod sa sabungan. 

Nakumpirma niadtong nakalabay’ng adlaw ang positibo nga COVID test sa 67 anyos kinsa na-confine sa Northern Mindanao Medical Center sa Cagayan de Oro City niadtong Marso 26 tungod sa hilanat, gahi nga ubo o dry cough, sore throat o pagpanakit sa tutunlan og sa tibook kalawasan. 

Adunay pre-existing condition o daang sakit nga hypertension, pnuemonia ug adunay history of lung cancer ang pasyente.

Gawas sa iyang pag-adto sa Matina, wala nay laing history of travel o byahe o kaha exposure sa usa ka adunay kumpirmadong kaso ang pasyente base sa inisyal nga validation sa Department of Health. (Divina M. Suson, Department of Health, March 31)

Facebook Comments