Pasakaan gyud ug kaso sa Carbon Police Station ang mga nadakpan nga sakop sa Tribu Alimaong nga giingong nangilkil sa mga namaligya sa Carbon Public Market.
Ang luyo-luyong hepe sa Carbon Police Station nga si PCAPT. Franklin Tale nibutyag nga ang ipasaka nga kaso batok sa upat ka sakop sa Alimaong mao ang ilegal nga paghup ug armas ingon man makamatay nga hinagiban .
Ang upat nga sila si Kali Kidlat, Kali Sipol, Kali Panter ug Datu Apuraha Cabales gidakop human gireklamo nga nanghingi ug kuwarta sa mga vendors sa Carbon nga ilang gikonsiderar nga abang sa ilang ancestral land nga naglakip sa Carbon area.
Apan nakahatag usab sila ug kabalaka sa mga tawo sa merkado tungod kay nagdala sila ug samurai .
Giimbitar sila sa police station ug didto na sila nakuhaan ug armas , samurai, ug mga buhing bala .
