Mga sakop sa MPG gi-drug test

Dul-an sa 80 ka personnel sa Mobile Patrol Group sa Cebu City Police Office ang gipaubos sa kinalit nga drug test .

Ang hepe sa CCPO , Police Colonel Gemma Vinluan nipatawag sa iyang mga sakop alang sa mandatory drug test subay sa mando ni Police Regional Office-7 chief, Police Brig. General Debold Sinas isip kabahin sa internal cleansing sa PNP.

Matud ni Vinluan kinahanglan nga ilang masiguro nga way tiggamitan ug ilegal nga drugas sa taga MPG tungod kay kritikal ang ilang trabaho nga una dayong morespondi kung adunay alarma dinhi sa syudad .


Nipasidaan si Vinluan nga kung adunay magpositibo sa mga pulis nga ipadrug test, mahimo kining ipataktak sa serbisyo .

Facebook Comments