Davao City- Buot ipatuman sa Davao City Police Office (DCPO) nga adunay designated drop off points na lang ang mga sakyanan ug dili itugot sulod sa palengke sa Bankerohan karong New Year’s rush.
Gibutyag ni Police Captain Hazel Tuazon, DCPO Spokesperson, gawas pa sa road closure adunay area ang mga sakyanan kung aha ra kini kutob.
Matud ni Tuazon, ang mga market goers na lang ang anaa sa sulod mismo sa palengke ug dili na masubli pa ang mangilngig nga insidente niadtong bisperas sa Pasko diin nakaligis patay ang military truck nga kalit lang gisakyan og giingong adunay deperensya sa pangisip.
Makigkoordinar ang kapulisan sa City Transport and Traffic Management Office, DCPO Traffic Enforcement Unit ug sa barangay para sa implementasyon sa maong plano silbing pagdoble pa sa safety and security sa palengke sa pagdagsa sa mga tawo sa pagpangandam sa Bag-ong Tuig.
RadyoMaN Aimee Guinita
Facebook Comments
