Mga Samdan sa nahitabong Disgrasya sa Dalan sa Tboli, ginatutukan sa PDRRMO-South Cotabato

82

General Santos City—Padayon karon nga gitutukan sa PDRRMO-South Cotabato ang mga biktimang samdan sa natigayong ngilngig nga disgrasya sa kadalanan nga gikalambigitan sa Forward truck kansa nahagbong sa pangpang sa may Barangay Lamsalome, Tboli, South Cotabato kagahapong adlawa.

Matud pa ni Rolly Aquino, Warning And Operations Division Chief sa PDRRMO South Cotabato nga sa karon punay ang ilang monitoring sa mga survivors sa maong aksidenti.


Kahinumduman nga mukabat sa 20 ang patay samtang kapin usab 10 ang angol human nahagbong ang truck sa 40 ngadto na sa 50 ka tiil nga gilawmon sa pangpang sa maong lugar.
Ang nahitabo sa barangay Lamsalome, usa sa pinakangilngig nga aksidente sa kadalanan nga natigayon sa probinsya.

Luyo niini gipasalamatan ni Aquino ang mga mitabang sa pagdala sa ospital sa mga survivor sa maong disgrasya sa kadalanan sama nalang sa Philippine Red Cross, PNP, Bureau of Fired Protection ingon man ang pribadong sakyanan nga mitabang usab sa pagkarga sa mga samdan padulong sa ospital.

Human sa mangilngig nga insidenti, nanawagan si Aquino sa tanang drivers nga mag triple amping sa ilang pagmaniho sa usa ka sakyanan.

Dapat sumala pa siguruhon nga maayo ang kondisyon sa sakyanan ayha molarga. Kung kapoy ang driver kinahanglan mopahulay una ug labaw sa tanan dili mag maniho nga lango sa ilimnong makahubog.

Samtang gipaniguro usab ni Aquino nga ilang ihatag ang mga panginahanglanon sa mga pasyenteng gitambalan karon sa mga ospital sa probinsya sa South Cotabato.

Facebook Comments

From Advertisers