Dipolog City-kagahapong adlawa pormal na nga gipang turn-over ang mga armas ug uniporme sa mga special Civilian Armed Forces Geographical Unit Active Auxiliary (SCAA).
Kini human adunay gipagawas nga committee resolution ang house of representative ilawom sa komitiba sa National Defense and Security niadtong bulan sa Oktubre 2018.
May kalabutan kini matod pa sa gipagawas nga memorandum ni Cong. Bullet Jalosjos nga naghangyo nga walaon una ang maong mga SCAA dinhi sa Dipolog.
Sulod sa maong Committee resolution ang Cotabato City ug ang probinsya sa Zamboanga del norte partikular dinhi sa dakbayan sa Dipolog nga walaon ang mga SCAA.
Mismo si LTC Ryan Severo ang commanding officer sa 5th IB ang nanguna sa maong seremonya didto sa Sport Complex Brgy. Olingan, Dipolog City sa pag turn over sa armas ug mga uniporme sa 119 ka SCAA dinhi sa Dipolog, gilangkuban kini sa 7th Platoon SCAA nga anaa diha sa Dipolog Boulevard ug sa tanang mga SCAA nga makita diha sa sentrong bahin ning dakbayan.
Temporaryo kining ge terminate aron matod pa sa LGU Dipolog aron iwas isyo samtang nagpadulong ang piniliay karong bulan sa Mayo.
Kung kahinumduman, nabutang kining mga SCAA dinhi sa dakbayan human mi hangyo si Mayor Darel Uy nga butangan dinhi sa dipolog city aron maoy mo tabang ug bantay sa mga krimen ilabi na ang pagpangdagit dinhi sa dakbayan.
Ang maong mga SCAA gi pondohan kini sa City Goverment of Dipolog ug human nga temporaryong gi terminate ang LGU dipolog na unya ang mangita ug pamaagi kun asa kini ibutang aron padayon nga aduna kini sila’y kita ilabi na nga halos mga SCAA pamilyado.
