Magapadayon suno kay Department of Health 12 Non- Communicable Disease Focal Person Ivy Joy Gallinero ang pagpatigayon nila sang mental health forum nga may katuyuan nga maaddress ang problema partikular na sa insidente sang suicide.
Sa masunod nga bulan ang ipaidalom naman nila sa forum ang mga school heads, guidance councilors kag mga school nurses, pagasundan sang PTA President sa South Cotabato kag student leaders, SK president ukon officials.
Tutukan sa nasambit nga forum ang mental health awareness partikular na sa mga warning signs nga yara sa depression ang estudyante ukon mga kabataan.
Ginakalipay man nila suno kay Gallinero nga natutukan ang mental health problem tungod makabig nga alarming na ang kaso sang suicide incident sa South Cotabato nga nakarekord na sang 30 halin Enero tubtob Hunyo subong nga tuig.
Nahibaluan nga sang nagligad nga semana ginpatigayon ang mental health forum sa mga katapo sang media.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
