Mga SK Officials dili lang sa dakbayan lakip tibuok nasud mitiyabaw na sa wala pa pagrelease sa ilang budget

Mitiyabaw na karon ang pipila ka mga Sangguniang Kabataan o SK Chairperson dinhi sa Dakbayan sa Iligan tungod hangtud karon wala pa gihapoy pundo nga gihatag alang kanila.

Kini human gi freeze sa Department of Interior and Local Government o DILG ug Commission on Audit ang ilang gigahin nga tinuig nga pundo sa kada barangay.

Matud ni Pugaan SK Chairperson Richard Bato nga lisod ang paglihok sa ilang mga proyekto ug uban pang kalihukan kun wala silay igong pundo nga gihuptan.

Gipanghinaut ni Bato nga mahuna-hunaan kini sa nasudnong mga ahensiya sa gobyerno ug ipagawas na ang ilang mga pundo.