Aurora, Zamboanga del Sur – Naharang sa tropa kapulisan ang usa ka Multi-cab nga kargado sa smuggled nga mga sigarelyo sa Purok Lover’slane, Brgy. San Jose, Aurora, Zamboanga del Sur ala 1:00 sa kadlawon kagahapon.
Gisista sa elemento sa Aurora Police ang sakyanan nga gimaniho ni Benedicto Baid Jr. Ballares a.k.a. “Adon” 27 anyos, kauban niini ngha nailang si Yasser Karim Cosme “Troy” 22 anyos pulos taga-Purok Lubong Ogis, Brgy. Galas Dipolog City.
Dihang gihiling ang Multicab Van, color green, nga nagtangag sa plaka JAK 8676 nga rehistrado sa pangalan ni Rene B Pacres nasuta nga pulos mga smuggled nga sigarilyo ang karga nga niabot sa lima ka cartoon, (129) reams sa SODA ug eigthy two (82) reams sa peke nga FORT nga sigarilyo.
Ang nakumpiska nga mga butang ang anaa na karon sa Aurora MPS lakip na ang nadakpan nga nagpalusot sa iligal nga trabaho.
Sa ulahing impormasyon nga nahipos sa DXPR News Team mokantidad sa 42, 550 ang nakumpiska nga sigarilyo.
