Pagadian City – Nakumpiska sa hinugpong nga pwersa sa tropa sa Zamboanga del Sur Police Provincial Office, Provincial Intelligence Unit, ZamboSur Provincial Mobile Force Company, National Bureau of Investigation, Bureau Internal Revenue, Pagadian City Police Station, Bureau Of Customs, ug Regional Intelligence Division sa Polica Regional Office 9 ang nagkadaiyang matang sa smuugled nga sigarilyo.
Gironda sa otoridad usa ka abandonadong balay dihang dapita sa Brgy. Tiguma, Pagadian City nga giilang usa sa mga hideout o dapit nga taguanan sa nagkadaiyang matang sa sigarilyo.
Atol sa operasyon nahipos sa team ang kinahon nga smuggled cigarettes nga gidudahang ginatinda ug gibaligya sa merkado.
Ning kasamtangan nagpadayon ang makuti nga imbestigasyon ug uban pang ahensya sa gobyerno sa kapulisan aron maila og makasuhan ang nagpaluyo sa smuggled cigarettes sa tibook probinsya.
(Photo courtesy: ZSPPO PCADB PROIX)
