Roxas City, Capiz – Ginkumpirmar ni Punong Barangay Rey Magallanes nga liwat anay ginpa-untat ang pagbaligya sang mga street food vendors sa Peoples Park, Barangay Baybay, Roxas City. Ginpahayag ni Magallanes nga ini ang kabahin sang pag-andam sang pamunoan sang Barangay Baybay bangud sa liwat na naman nga pagkasa sang numero sang COVID -19 cases sang nakaligad nga inadlaw. Samtang, ginpunto man sini nga mangin temporaryo gid lamang ang amo nga sistema. Hugot naman anay nga pagabawalan ang pagpasulod sang bisita sa Peoples Park. Mahibaluan nga antes ginpatuman ang amo nga deriktiba, isa anay ka sinapol ang ginpatigayon sang barangay council kaupod ang mga katapo sang Baybay Association of Street Food Vendor(BASFV) kun sa diin ginhilisugtan ang temporary closure sang ila operasyon. Samtang ginpasalamatan man sang punong barangay ang gobyerno sang syudad sa ginhatag nga ayuda para sa mga apektado nga street food vendors. (c)- PB Rey Magallanes <www.facebook.com/profile.php?id=100071779353748&__cft__[0]=AZVSnWKlbdh2djx9Y6ltazyMUA_etG9u_4SO_qJKIi9V60mLq9N8wZS8CRdozRu4gaHLHjuDK1MnCAzEuFPuplCOJwYUJTMekp2r0NTQrHgUXFsOHwY-lrrqOjabJImMAMGyNg21U5hO1OzqBUV0PnBDWWtqAUpDn9anOXcNQIC-RMu7LlDuwca89MwGNnFHioo&__tn__=-]K-R>
