Ginpahayag ni Councilor Plaridel Nava nga dapat pasaran sang city council sang ordinansa nga nagadumili na sa paghiwat sang sugal sa public plazas sang siyudad kasubong sang peryahan sa tion sang piyesta.
Magluwas sa sugal, luyag man ni kagawad Nava nga dilian man ang paghimu sa mga plaza nga lugar ilimnan kag kaangay nga mga aktibidad.
Dapat suno kay Nava nga mga religious activities lamang ang dapat hiwaton sa mga plaza kag indi ang mga negosyo.
Ginhimo ni Councilor Nava ang pahayag kasunod sang ginhiwat nila kahapon nga public hearing natuhoy sa mga problema nga gina-atubang sang mga public plaza.
Ginhatagan pagtamo sang konsehal nga ang nasambit nga hearing nakahatag oportunidad sa city council nga matadlung ang mga sala nga padihot sa mga public plaza sa tion sang pagsaulog sang mga District Fiesta.
