Mga suldado, CAFGU kag anay rebelde sa Region 12 mangin trainor sa TekBok.

26

Mismo nga si Technical Education and Skills Development Authority kag Cabinet Officer for Regional Development and Security (CORDS) Director General Secretary Isidro S. Lapeña ang naghatag sang mga sertipiko sang paggraduate sang mga empleyado sang 1002nd “Bagwis” Brigade sa Malungon, Sarangani Province sa ila pagtapos sa programa sang TESDA.
24 ka mga miyembro sang 1002nd Bagwis Brigade, anum ka mga Citizen Armd Force Geographical Unit (CAFGU) kag anum ka mga anay rebelde ang nagpaidalom sa napulo ka adlaw nga training sa Agricultural Crops Production sa sulod mismo sang nasambit nga kampo.
Suno kay TESDA Secretary Lapeña nga agrikultura ang nangin sentro sang training kag programa nga ihatag sa mga lugar nga may impluwensya sang insurhensya.
Sa mensahe ni Secretary Lapena sa pagtapos sang mga partisipante nga daku suno pa ini nga obligasyon nila para tudluan ang mga pumuluyo ilabi na ang mga IP community.
Ginsiguro man ni Secretary Lapeña nga sa tion nga agrikultura kag training ang pagahambalan pasok suno pa ang programa sang TESDA nga pwede dal-on sa diin man nga parte sang rehiyon.
Magasunod naman sa training ang iban pa nga mga miyembro sang Armed Forces of the Philippines agud nga magtudlo sang TekBok ang ila nga pwersa.
Pahayag naman ni TESDA 12 Regional Director Rafael Y. Abrogar II nga ang nasambit nga training ang para sa isa ka gyera; gyera batok sa kapigaduhon, gutom, kawad-on sang trabaho kag oportunidad.
Matandaan nga may-yara sang kasugtanan ang TESDA kag Department of National Defense angot sa pagpaidalom sa training sang TESDA sa ila nga pwersa kag ahensya.
Ang nasambit nga programa ang pagsunod man sa mandato ni TESDA Secretary Isidro S. Lapeña nga pauswagon pa ang akrikultura sa pungsod sa pihak sang COVID-19 pandemic.


Facebook Comments