Mga sundalo, midugang sa PNP forces sa KOJC compound operation

Davao City – Gikumpirma sa Eastern Mindanao Command (EastMinCom) nga naka-standby ang pwersa sa Armed Forces of the Philippines (AFP) aron mutabang sa pwersa sa kapulisan nga dunay operasyon karon sa Kingdom of Jesus Christ (KOJC) compound sa pagpangita kang Pastor Apollo Quiboloy.

Sa interview sa DXDC RMN Davao kang Major Salvacion Evangelista, tigpamaba sa EastMinCom, iyahang gibutyag nga nag-request ang Police Regional Office (PRO)-XI sa ilang pwersa, diin gisiguro sab sa EasMinCom nga dunay igong tropa sa kasundalohan ang mutabang kung gikinahanglan sa kapulisan.

“We are on standby alert na if ever need na ng additional troops si PNP. This is based on the request. If may nakikita tayong sundalo ngayon na dyan malapit, they are just conducting security patrol in support to the PNP sa operation. But they are not in the forefront yung ating kasundalohan. Nasa outer layer lang sila ng security,” sulti ni Salvacion.

Matud sa tigpamaba sa EastMinCom nga maobserbahan karon ang kasundalohan 500 meters to 1 kilometer gikan sa KOJC compound. Dugang niya nga ang kapulisan ang trained alang sa maong operasyon, rason nga musuporta lamang ang kasundalohan.

RadyoMaN Kirby Manzon