Calbayog City, SAMAR – Nakabalik na ha Region 8 an mga kasundaluhan, matapos an duha katuig nga pakikipagbakbakan ha mga terorista nga grupo ha Mindanao.
Kasangkulop, sakay han C-130 han Philippine Air Force, gintapo hira han ira mga asawa, anak ngan pamilya ha Calbayog City Airport.
An 63rd Infantry (Innovator) Batallion in gintagan hin “Hero’s Welcome” han Philippine Army 8th Infantry Division.
Ginpasalamat han Armed Forces Of The Philippines (AFP) an mga kasundaluhan ha pagbantay han seguridad ngan pagprotektar ha katawhan ha far flung areas.
Ini nga mga kasundaluhan in nadeploy ha Jolo, Sulu ngan nakipagbakbakan kontra ha Abu Sayaf Group dida han August 31, 2016 ngan nadeploy gihap ha Marawi City para buligan an iba nga kasundaluhan ngan puypoyon an Maute-Isis nga grupo.
