Mga sundalo ngan NPA, nagka-engkwentro ha Leyte

TACLOBAN CITY – Nagkamayada engkwentro an duha ka squad han Philippine Army ngan purluminos 20 nga myembro han gin-aaligar New People’s Army (NPA) ha Barangay Anislagan, Calubian, Leyte kanina han alas 6:00 han aga.

Sumala kan Brigadier General Lope Dagoy, Commander han 802nd Brigade han Philippine Army, posible an kapitan han mao nga barangay an nagpapaluyo han presenya han mga npa tungod nga may recruitment nga nananabo.

May nadakpan an militar nga gin-aaligar myembro han NPA ngan gintudlok an kapitan nga ansya an nagsusuporta ha ira.


Umabot ha 15 minutos an purugsilay.

Dugang ha pamahayag ni Dagoy, waray naman nasamaran o namatay ha hanay han kasundaluhan pero dako an tsansa nga damo an casualties ha hanay han rebelde.

Narekober ha area an mga dokumento, 1 ka M16 rifle, 2 ka improvised shotgun, mga bala ngan mga gadgets.

Kapot na han mga kasundaluhan an kapitan han barangay para han pagdudumaraon nga imbistigasyon.

Siring pa ni Dagoy, insulto ha gobyerno an ginbuhat ni kapitan nga ansya unta an mangunguna ha kamurayawan ha ira barangay.

Samtang, under surveillance naman an usa nga Vice Mayor matapos makakarawat hin reports an Philippine Army nga mayada opisyal nga nagpapaluyo ha mga rebelde.

Facebook Comments