Nagatinudlu-anay na ang mga suspek nga nag upload sa Facebook sang ginpahayag bastos nga video ni Jodel Guarin sang San Enrique , Iloilo nga nangin rason sang pag
-utas niya sang iya kabuhi.
Ini ang pahayag ni tatay Harry, stepfather sang biktima .
Suno sa iya nga may mga nabatian na sila nga mga sugilanon nga ang responsable sa pag-upload sang video amo ang mga kabataan sa ila lugar nga naga-edad 15 tubtob 20 anyos kag malapit sa iya anak.
Ginpahayag ni Harry nga indi mabayaran sang kwarta ang natabo sa iya anak kag mahimo nga magapasaka sila sang kaso sa tion nga matul-id na kon sin-o ang nagsasko sa biktima nga naghikog patay.
Madumduman nga nasapwan na lang si Jodel sadtong Disyembre 16 nga nagabitay na sa ila balayan kag wala na sang kabuhi kag suno sa iloy sang biktima nga indi mabaton sang iya anak nga may nag-upload sang iya video sa Facebook kag naghatag sang kahuy-anan sa iya.
(photo from web)
