Davao City- Gipakusgan sa Davao City Police Office ang Anti-Criminality Campaign sa Marilog District.
Sumala ni Police Col. Alberto Lupaz, DCPO City Director, nakatutok sila sa manhunt operation ngadto sa mga suspek sa 13 ka mga insidenteng pagpatay sa mga Indigenous People tungod sa bangi sa yuta sa ancestral domain.
Ginamonitor sa kapulisan ang mga suspetsado inig gawas sa warrant paspas nila kining madakpan.
Sukad Disyembre 2016 hangtod July 1,2023, 17 ka mga biktima ang gipatay tungod sa bangi sa yuta matud sa DCPO Task Force Yutang Kabilin.
Gimanduan niini si Marilog Police Station Commander Police Major Nelson Violan, nga maglusad og checkpoints uban ang City Mobile Force Company ug makigkoordinar sa militar aron dili na masubli ug aduna pay kinabuhing makalas.
RadyoMaN Aimee Guinita
Facebook Comments
