Davao City – Narekober sa mga otoridad ang 30 ka mga piraso sa tabla nga lawaan bandang alas 9 sa kabuntagon sa may Prk. 9 Brgy. Magatos Asuncion Davao del Norte.
Sumala sa report nga gibilin kuno sa usa ka wala mailhing tawo ang maong mga kahoy diha sa nahisgutang lugar diin gituuhang naglisod kini og pagpagawas sa mga kahoy gikan sa maong lugar.
Giadtuan ang nasangpit nga gikahimutang sa mga kahoy sa mga personahe sa Asuncion Municipal police station uban ang Police Provincial Office Davao del Norte, CIDG ug Anti-Illegal Logging Task Force Davao del Norte.
Sa karon gikustodiya na ang maong mga table sa Provincial anti illegal logging task force samtang ang kapulisan mihimo na og follow up investigation aron mailhan kung kinsa man ang nagbilin sa mga kahoy.
RadyoMaN Paul Canono
