Davao City – Pasakaan og kaso sa Bureau of Customs (BOC) ang tulo ka mga retailers ug usa ka tag-iya sa warehouse human nakumpiska ang gibana-banaang 60 milyones ka pesos kantidad sa smuggled ug counterfeit beauty ug skincare products.
Sa gipahigayong press briefing kagahapong adlawa, April 26, gibutyag ni Customs Commissioner Isidro Lapeña nga nagpahigayon og raid ang customs police sa tulo ka mga tindahan ug usa ka warehouse kinsa nagapamaligya ug nagatipig og fake cosmetic products kaniadtong Abril 20 ning tuiga.
Sumala ni Lapeña, nakalusot ang maong mga produkto gumikan ‘misdeclared ug undervalued’ kini.
Dugang niini, kasamtangang nagapanguha pa sila og ebidensiya ug padayong gaimbestiga sa maong kaso.
Gani nagbahad si Commissioner Lapeña ngadto sa mga store owners nga silbing warning na kini nga mulikay sa mga iligal nga buhat.
RadyoMaN Jason Amisola
