Davao City – Gibati ug kabalaka sa ilang seguridad ang hut ong sa mga taxi driver human makaplagi ang ilang kaubang taxi driver nga wala nay kinabuhi ug adunay samad samtang nabulit sa daghang dugo.
Sa interview sa RMN Team gipaabot sa mga taxi driver ang ilang kahadlok kun mamasada matag gabie human sa gidangatan ni Erlindo Moreno kansang nakabaton ug samad dinunggaban sa wala pa mailhong suspek nga pasahero.
Nanghinaut na lamang ang mga taxi driver nga ug masakyan ug mga dautang elemento dili lang unta sila hunusan sa kinabuhi bahala na ug kuhaon ang ilang mga gadget lakip na ang ilang inadlaw nga kita sa pamasada.
Maayo man kuno ang kwarta kay makita pa pero ang kinabuhi kausa ra ilabina nga sagad kanila pulos usab adunay mga pamilya.
Nanawagan usab sila sa mga otoridad nga doblehon pa ang seguridad matag gabie ilabina nga sagad muhimo ug krimen ang mga dautang elemento panahon nga ngit ngit ug mingaw na ang dakbayan.
Ang kapulisan sa Buhangin padayon pang gitino kun personal nga bangi ug tulis ang gidangatan sa biktimang taxi driver nga si Moreno kagahapon sa kaadlawon didto sa Barangay Mandug ning syudad sa Davao.
RadyoMaN Erin Lumosbog
