Ginpahayag ni Defense Secretary Delfin Lorenzana nga mahimo magsaylo sa Pilipinas ang mga terorista sa Iraq.
Dugang pa ni Lorenzana nga ila ginamonitor ang hulag sang mga terorista sa tion nga tilawan sang mga ini nga magsulod sa pungsod.
Nahibaluan nga ang paglapta sang violent extremism ang nagapanguna nga agenda sa tuigan nga pagsinapol sang mga defense leaders gikan sa Association of Southeast Asian Nations (ASEAN) kon sa diin host ang Pilipinas.
Nakita sang mga lideres kon ano kahapos sa mga foreign fighters nga magsaylo-saylo sa mga teritoryo kag ila ginalantaw nga mahimo Asya ang masunod nga target sang mga ini kasunod sang ila kapiyerdihan sa Iraq kag Syria.
Apisar nagaselebrar ang gobyerno sang kadalag-an batok sa ISIS-inspired Maute group sa Marawi, nagakahangawa gihapon ang mga defense leaders nga mahimo magbalik ang mga terorista.
Sa karon, nagtanyag na ang Australia sang bulig sa Pilipinas agud magpatrolya sa borders sang pungsod.
Luyag naman sang Singapore kag Brunei nga mag-upod sa trilateral arrangement sang Pilipinas, Malaysia kag Indonesia kag nagapakig-angot na ang mga air kag sea patrols sang mga ini agud magbantay batok sa mga militante nga grupo.
(photo from web)
