Mga tindahan dinhi sa dakbayan sa dipolog, gidagsa ka mga mamalitay

23

Dipolog City-Human sa gihimong piniliay niadtong adlawng lunes Mayo 13, 2019 para sa National and Local elections malipayon kaayo ang mga negosyante dinhi sa dakbayan sa Dipolog tungod sa kadaghang mamalitay.

Kagapahon sa buntag sayo palang, grabe na ka baga sa mga tawo nga gikan sa nagkadaiyang kalungsuran ang mianhi dinhi sa dakbayan sa Dipolog para mamalit sa ilang mga panginahanglanon.

Daghan nag ingon nga mga negosyante posible nga nakadawat kini ug kwarta gikan sa mga kandidato atol sa eleksyon.

Tungod kay dili ika lilong nga panahon sa piniliay anaa sab diha ang pagpinalitay ug pagbaligya ug mga boto.

Wala ga dahom ang mga negosyante dinhi sa Dipolog nga ingon ato ka baga sa mga katawhan ang mo sulod gawas diha sa mga establisemento ug mga food chain.

Naglisod usab ug panukli ang mga kahera tungod kay kasagara sa mga kwarta sa mga tawo kagahapon anaa sa tag 500 ug tag 1000.

Daghan usab nag ingon nga mga tawo ilabi na mga botante, nga ang eleksyon mahitabo lamang kini sa makausa sulod sa tulo ka tuig, ug human nga mo daog matod pa dili na lingion ang mga katwah busa matod pipila ka mga botante, angayan lang nga dawaton nila ang kwarta nga gipanghatag a kandidato bugti sa ilang usa ka boto.

Pero aduna pud nag ingon dili usab nila ibaylo ang ilang boto sa kwarta nga gamay lang unya dali ra mahurot kumpara sa pagpili ug angayang lider nga mo dala sa renda sa pang gamhanan.

Sa katapusan, nagmalipayon ang mga negosyante daghan sila uga halin samtang ang mga botante nagmalipayon sab sa ilang kwarta nga nadawat gikan sa pulitiko tungod kay nakatabang kanila sa ilabi na sa pagpalit sa mga panginahanglanon diha sa ilang pinuy-anan.

Facebook Comments