Mga tindahan nga nagbabaligya hin pabuto nga waray permit, dadakpon han PNP

18

TACLOBAN CITY – Diri makakabaligya hin mga firecrackers o mga paburuthon ngan iba pa nga pyrotechnich devices o mga palaga an mga tindahan kun waray permit mapa supplier man o retailer.

Ini an pahimatngon han Police Regional Office 8 para ngadton may plano nga magbaligya hini ilabi na yana nga tikaarabot nga holiday season kumo pagsunod han Executive Order No. 28 ni Pangulong Rodrigo Duterte.

Sumala kan PCInsp. Ma. Bella Rentuaya, Public Information Officer han PRO8,nagtikang na monitoring han ira buhatan hini nga mga firecrackers. Ha bug-os nga Eastern Visayas in mayada pala 4 nga dealers ha tacloban city an na endorso han PRO8 ha firearms explosive ha National Headquarters han PNP. Ha mga retailers naman in mayada na 10 nga nag apply pero ini in mga taga Southern Leyte pala.

Pagdig-on pa han opisyal, bisan mga sari-sari store in kinahanglan kumuha hin retailers permit ngan may mga kabayaran an mga diri masunod. Kaupod han PNP an Bureau of Fire Protection ha pag inspection ngan pagmonitor han matalapas hini.

Dugang pa han opisyal, nga may mga requirements nga kinahanglan sundon an mga gusto maging dealer o retailer agud matagan hira hin permit.

Kun ikaw in nagpaplano nga maging dealer ngan retailer, bisitahon la an ira mobile app nga PNP iSERBIS ngan didto na makikita kun ano an magiging proseso.

Facebook Comments