Mga tinun-an gibusog sa feeding program sa 1st FAB ug RMN DXPR Pagadian

25

Tukuran, Zamboanga del Sur – Kapin usa ka gatos ka bata uban ang ilang
mga ginikanan ang gibusog gipahigayong feeding program nga gihimo sa
Bry. Man-ilan , Tukuran, Zamboanga del Sur kaganihang buntag.

Gisulod sa grupo ang maong barangay dala ang aroskaldo, mga tinapay ug
mga pahalipay alang sa mga kabataaan nga nagtunga sa Man-ilan Elementary
School.

Ang nakabinipisyo dili lang kabataan kondili lakip ang mga senior
citizen nga misaksi sa mubong programa nga gidumala sa 1st Field
Artillery Battalion ug Radio Mindanao Network DXPR Pagadian.

Sadya usab nga gidawat sa mga tinun-an ang pahilipay nga gitunol
Station Manager Melchor Coronel.

Gibutyag ni Lt. Col. Jose Noel Romero nga napili nila ang Man-ilan kay
usa kini sa ilang adopted barangay ug lauman pa nga karung sunod nga mga
bulan ang tabang nga ihatag sa tropa ilabina sa nagsingabot nga Brigada
Eskwela 2018.

Human sa aktibidad nagpasalamat ang konseho sa maong barangay nga
gipangunahan ni Kapitana Ellen Pepito.

Facebook Comments