Roxas City, Capiz – Ginmandoan subong sang opisina sang Traffic Management Unit(TMU) ang mga katapo sang traffic auxiliary nga pangsitahon ang nagabyahe nga mga traysikol drayber sa Roxas City.
Ini matapos nga sang nakaligad nga inadlaw, na-obserbahan sang gobyerno sang syudad nga madamo nga numero sang mga traysikol ang nagahulag sa mga dalanon sa syudad.
Suno sa traffic auxiliary nga si Jhon Bautista kalakip sa ila nga ginatsekyar amo kun may yara sang working pass ukon quarantine pass ang isa ka drayber ukon persona nga nagabyahe.
Mahibaluan nga may yara sang schedule sang coding nga ginpaguha ang TODA sa Roxas City kun sanday sin-o lamang ang ginapahanugotan nga makabyahe sa partikular nga adlaw.
Panugyan sang mga traffic auxiliary sa publiko nga kun indi man lang sang importante ang transaksiyon mas makapaayo nga magtener sa ila poluy-an.
