Mga traffic enforcers, ipakatag na sa mga sementeryo sugod karong adlawa

9

Ipakatag na sugod karong adlawa ang mga traffic enforcers sa Roads and Traffic Administration o RTA sa lain laing sementero ning syudad sa Cagayan de Oro.

 

Una nang gibutyag ni RTA Assistant Department Head, Engr. Nonito Oclarit nga mokabat sa kapin 200 ka mga traffic enforcers ang ilang ipakatag sa mga sementeryo ning syudad alang sa paghandom sa adlaw sa mga santos ug kalag.

 

Hangtud pa sa Nobyembre Dos ning tuiga magtambay sa mga sementeryo ang mga traffic enforcers aron masiguro ang kahapsay ug kalinaw sa dagan sa trapiko.

Facebook Comments