Manila, Philippines – Nagpaabot ng pasasalamat sa Department of Transportation o DOTr ang mga kawani ng Liga ng Transportasyon at Operator sa Pilipinas o LTOP sa programang ibinigay sa mga anak ng kanilang mga tsuper na libreng pag-aaral sa TESDA.
Ayon kay LTOP President Orlando Marquez, pinasasalamatan nila si DOTr Secretary Arthur Tugade sa pagbibigay nito ng pagkakataon na makapag-aral ng vocational course ang mga anak ng mahihirap na tsuper sa pamamagitan ng MOA sa pagitan ng TESDA at DOTr na mabigyan ng pagkakataon ang mga anak ng driver na makapag-enroll na libre sa naturang ahensiya.
Paliwanag ni Marquez napakahalaga ang ginawang hakbang ni Secretary Tugade upang magkakaroon ng pagkakataon na matupad ang mga pangarap ng mga anak ng mahihirap na tsuper na makatapos sa kanilang pag-aaral at mabigyan ng magandang trabaho.
Dagdag pa ni Marquez hindi lamang ang mga anak ng tsuper ang maaaring makapag-enroll sa TESDA kundi maging ang kanilang mga asawa ay pwede na ring makakuha ng mga vocational course gaya ng dressmaking, cooking at iba pang pakikinabangan nila mag-asawa.
