Mga Vendors sa Mercado Publiko giaporan na og facemask og faceshield sa City Government

22

Pagadian City – Kapin dos mil ka facemask ug faceshields ang giapud-apod sa local nga kagamhanan sa syudad sa Pagadian ngadto sa mga mamalitay ug mga vendors sa mercado publiko. Nangunay mismo si Pagadian City Mayor Sammy Co sa pagtunol sa mga Face Masks ug Face Shields kun asa miabot sa 2014 ka faceshields ang hingpit nga natunol nga gidonar gikan kang Senador Win Gatchalian.
Gipahimangnuan ni Mayor Co ang mga nakadawat nga suoton gayud Face Shield og Face Mask kada adlaw ilabina nga bisan kinsa lang ang ilang maka-atubang sulod sa public market. Gihangyo usab sa Mayor ang mga negosyante ug mamerkadohay nga senior citizen na kun mahimo magpabilin nalang sa ilang pinuy-anan ug laing sakop nalang sa pamilya ang paadto-on sa mercado arun makalikay sa piligro nga dala sa virus.
Una nibiya ang mayor gipanghinaot niini nga nga sundon ug respetohon ang health protocols nga gi-imposar sa lokal nga kagamhanan. Mahinumduman nga daghanan na ang reklamo ang nitumaw sa mekado dihang namatikdan sa mga concern citizen nga kompyansa ug walay proteksyon ang pipila ka vendors nga namaligya og mga pagkaon bisan gipatuman na No facemask og No face Shield no Entry sa mekado.

Facebook Comments