Davao City-Nanawagan karon ang mga vendors sa Roxas Night Market kang Davao City Mayor Inday Sara Duterte Carpio nga undangon na ang paghatag og referral tungod kay misamot na ug kahuot ang ilang pwesto.
Sumala sa usa ka wa magpailang vendor nga midangop sa programang Serbisyong Straight to the Point sa DXDC RMN Davao, wala na matuman karon ang kanhi sukod nga 3 by 3 meters tungod kay daghan ang mga misingit. Sumala niya nalugi na sila ug duna nay away tungod kay wala nay kaagian.
Samtang giklaro usab ni Davao City Ancillary Services Unit (ASU) head Rodel Poliquit nga wala na maghatag og referral ang mayor. Gituhoan sab ni Poliquit nga ang hinungdan sa paghuot sa ilang lugar gumikan adunay mga vendors nga nagapasingit og ubang mamaligyaay diin bayaran sab nila ang maong pwesto. Hinuon dili pa kini mapamatud-an ni Poliquit gumikan walay pormal nga reklamong gipadangat sa iyang buhatan.
RadyoMan Bernard Pantallon
