Davao City – Gitahasan ni Davao City Mayor Sara Duterte ang tanang mga Barangay Kapitan nga pangitaon ang mga residenteng nanginahanglan ug wala kadawat og mga pagkaon.
Sumala niini adunay upat ka mga klase sa rasyon ang gihatag sa lokal nga panggamhanan para sa mga Davaoeños nga naapektuhan sa gipatumang Enhanced Community Quarantine ug ipasubay kini sa alkalde ang mga wala pa kadawat sa mga tabang aron maaksyunan.
Gikanayon sa Mayor, paigo pa ang ayuda sa syudad para sa katawhan human gilugwayan ang ECQ hangtud Mayo 15.
Gipasabot usab niya, mamahimong mohatag og usa ka sakong bugas matag pamilya apan walay maka-supply og 600,000 ka buok.
Sa pinakaulahing datos, kapin 27,000 na ka mga grocery packs ang natunol sa 8 ka Barangays sa round 2 sa CSWDO food aid.
RadyoMaN Aimee Guinita
