Roxas City, Capiz – Arestado ang pila ka mga persona nga may yara sang ginapangatubang nga kaso sa hukmanan.
Ginserbehan sang warrant of arrest ang 69-anyos nga lalaki nga si Leopoldo Arabia Sr. sa Brgy. Mianay, Sigma, Capiz bangud sa kaso nga rape.
Sa Roxas City, arestado ang Top-1 wanted nga si Rodel Dela Cruz y Borres alyas Rodel, 30-anyos sang Sitio Talasa Barangay Tico Panay Capiz bangud sa kaso nga Murder sa diin wala sang piyansa para sa temporaryo sini nga kahilwayan.
Dakop man ang ginakabig Top-2 wanted person sa Roxas City nga ginkilala kay Anthony Dignomo y Villanueva, 42 anyos sang Barangay XI Roxas City bangud sa kaso nga rape.
Samtang sa banwa sang Tapaz, arestado sang kapulisan ang Top 5 Most Wanted Person sang Tapaz PNP samtang ini ang nagatiner sa Brgy. Andres, San Rafael, Iloilo.
Ang akusado ang nakilala kay Erna Felomino, 45-anyos, residente sang Brgy. Bag-ong Barrio, Tapaz kag nagapangatubang sang kaso nga murder.
