Mga wanted sa kasong murder ug attempted murder, nasikop

23
Criminal in handcuffs

South Cotabato – Malampuson nga nasikop sa kapolisan ang tulo ka mga wanted person nga nag-atubang og kasong murder og attempted murder sa operasyon nga gilusad sa kapolisan sa managlahing lugar.

Sa report nga gipagawas sa South Cotabato Police Provincial Office nailhan ang mga wanted person silang Rajini Cezar Arandia, 46 anyos, minyo, mag-uuma og residente sa Barangay Lasak, Columbio, Sultan Kudarat nga nag-atubang og kasong murder og nadakpan sa Brgy. Poblacion sa maong munisipyo.

Walay pyansa nga girekomenda ang korte sa kasong gi-atubang sa nahisgutang suspek.

Nadakpan sad ang wanted person nga si Jet Mark Dasmariñas, alyas Ma-oy, 33 anyos, ulitawo, laborer og residente sa Purok Sikat, Brgy. Maibo, Tantangan, South Cotabato nga nag-atubang og kasong attempted murder og nasikop sa maong lugar.

May girekomenda nga pyansa ang korte sa kaso sa suspek mokantidad og 120 mil pesos alang sa temporaryong kagawasan.

Attempted murder usab kasong giatubang sa laing nadakpan na suspek na si Roger Puli, 28 anyos, minyo, residente sa Sitio Tukaymal, Brgy. Tablu, Tampakan, South Cotabato og nadakpan sa Sitio Datal Mangisi sa nahisgutan barangay.

Sa karon gihulat na lang sa otoridad ang korte nga maka-isyu og commitment order aron matugyan ang mga nahisgutang suspek ngadto sa South Cotabato Provincial Jail.




For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: napasakaan na ug kaso.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments