Davao City – Padayong nanawagan ang kapolisan ngadto sa katawhan sa syudad sa Davao sa pagtuman sa mga giimposar nga mga health protocols kontra COVID-19.
Sumala ni Police Capt. Rosario Aguilar, Davao City Police Office (DCPO) Spokesperson, dili sila magpanuko sa pagdakop sa bisan kinsang makasupak niini subay usab sa mando ni Presidente Rodrigo Duterte.
Matud ni Aguilar, kinahanglang seryosohon kini tungod kay seryoso usab ang awtoridad sa pagpatuman sama sa dili pagsul-ob sa face mask ug pagtuman sa social distancing ug uban pa.
Dugang sa tigpamaba, sa dihang gipailawom sa Modified General Community Quarantine (MGCQ) ang syudad sa Davao, mokabat na sa 277 katao ang nakasupak sa protocols diin 8 niini ang wala nag face mask, 141 ang walay FM pass, 18 wa misunod sa social distancing, 40 misupak sa liquor ban samtang 70 ang nadakpan sa curfew.
RadyoMaN Bernard Pantallon
