Davao de Oro – Makagawas na sa ilang tagsa-tagsa ka panimalay ang katawhan sa Probinsya sa Davao de Oro ilawom sa Modified General Community Quarantine (MGCQ).
Sumala ni Davao de Oro Gov. Jayvee Tyron Uy, abri na ang mga pampublikong sakyanan alang sa ilang pagbiyahe ug mga establishementong nagserbisyo sama sa mga Carenderia, massage, ug spa apan kinahanglan ipatuman gihapon ang social distancing.
Dugang pa nga kinahanglan mopailaom sa health screening ang tanang mosakay sa mga depasaheroang sakyanan aron masiguro nga luwas ang publiko gikan sa COVID-19.
Terminal to Terminal ang pagpasakay ug pagkanaug sa mga pasahero sa bus aron masuta ang panglawas sa mga pasahero.
Matud pa nga kinahanglan mag-amping ang tanan luyo sa ipatumang MGCQ.
Giklaro usab niya nga kung dili importante ang tuyo aron mogawas mas maayong magpuyo na lang sa ilang mga balay.
RadyoMaN Jules Catisay
