Davao City – Gikinahanglan gayud nga sundon sa katawhan ang mga gipatumang health protocol karong panahona ilabi na kung mopadulong na unya sa Modified General Community Quarantine (MGCQ) ang entero syudad sa Davao sunod semana.
Sumala ni Davao City Third District Councilor Joselle Dilig-Villafuerte, chairperson sa Sangguniang Panglungsod Committee on Health, gikinahanglang dili kita mo-relax ingon man sundon gayud ang mga rekomendasyon sa mga medical experts tungod kay kung dili, posibleng mas modaghan pa unya ang kaso sa COVID-19 sa dakbayan.
Nagpasidaan si Villafuerte nga tungod sa kadaghan sa mga tawo nga nanggawas sa balay paingon ngadto sa trabahoan, ipatuman gayud ang social distancing, likayan ang tapok-tapok, kanunay manghugas sa kamot gamit ang alcohol, paggamit sa footbath ug kanunay usab nga pagsul-ob sa face mask aron maluwas gikan sa peligro ang tanan.
RadyoMaN Bernard Pantallon
