Sa interbyu sa DXDC RMN Davao kang Dr. Joeffrey Mambucon Talaingod Municipal Health Officer, gibutyag niini nga ilang nasuta sa usa ka sitio sa Talaingod ang hugaw nga source sa tubig sa mga residente.
“Example didto sa (Sitio) Kailawan nakit-an namo nga ilang reservoir pirti gyong hugawa. Walay hinlo-hinlo. Wala nahinloan. Then, pag-check namo sa ilang tubig, dili gyud kapasa,” saysay ni Mambucon.
Gisulti ni Mambucon, natunolan na og mga medisina ang mga biktima diin nakagawas na usab ang 35 ka pasyente nga na-admit sa hospital.
Base sa November 4, 2022, anaa sa 280 na ang natalang cholera cases sa Talaingod.
Una nang giklaro sa health official nga ang 10 fatalities naggikan dili lamang sa usa ka Barangay kundili sa tulo (3) ka Barangay sa Talaingod nga mao Barangay Sto. Niño, Palma Gil ug Dagohoy.
Sa napulo, unom (6) niini ang mga bata ug upat (4) ang hamtong.
RadyoMaN Kirby Manzon
